يوم من رمضان

أف...........هوا المغرب ما أذنش لسه؟؟؟؟؟؟؟

......هوا هيأذن أمتى أنا هأموت خلاص !!!ونفسى أناااااااااااااااااام

دى كانت أنفاسى الأخيرة اللى أتنفستها أمبارح ،كان يوم ما يعلم بيه الا

ربنا ،نمت وما شربتش ماء وماصليتش الفجر ،صحيت كان ريقى

ناشف ،رحت الدرس وجيت مشى فى عز الولعة ،كنت بأجر رجل وراء

التانية ،لحد ما وصلت باالسلامة، اترميت على السرير وكنت فرحااااانة

الا وأخواتى بيقولوا لى قومى سمعى للشيخ "يا فرحة ماتمت"قمت أخذت

المصحف ورحت سمعت وخرجت ورحت على السرير على طول ،الا يا

"سندس تعالى أنشرى الهدوم،طبعا "طاعة الأم واجبه" رحت نشرت ،

دخلت على السرير ،ولسه هأحط رأسى على المخده يا سندس

.............الفراخ.....الأكل...المواعين....الشقة

كنت هأطلع من هدومى ،خلصت الشغل وما كنش فيا نفس،رحت

علشان أنام ولسه هأحط رأسى اللى أنفجرت على المخده الا والمغرب

رحت أفطر وبعد مافطرت جريت على السرير ،الا والمواعين كانت

من نصيبى و أطورت فيهم لوحدى،وأخيرا جاء الفرج ونمت ولكنى نمت

............فى ميعاد النوم

ساعتها حلفت أنى ماأنام الا بعد الفجر وبعد ماأصلى.

وعرفت ان ربنا بيلقنى درس لأنى أهملت فى فريضة من فرائضه .

..............وده درس عمرى ما هأنسااااااااااااااااااه

سندس